Log inLog Out
For YouNewsEntertainmentRelationshipLifestyleSportTechnology
UNN Graduate Don Kpai Afta He Nack Him Head For Ground While He Dey Play Ball


Aug. 04, 2020

One 2018 graduate of University of Nigeria, Nsukka (UNN), Ogbonna Nnaemeka, on Sunday bin kpai of complications from one head woundjury wey he bin sustain while he dey play football inside Nsukka.
Di graduate of Sociology/Anthropology bin dey among di 2019 batch A Corp members wey pass out from di scheme for March.
Ogbonna Nnaemeka bin dey play football con nack him head ontop of di ground afta he miss him footing while he dey go for one headed ball for di Umudikwu village playing field inside di Nsukka.
One padi of Nnaemeka wey be one eye witness, Ani Peter, bin tell Vantage News say Nnaemeka bin show earlier signs of concussion but bin dey shapaly attended to by teammates wey pour water ontop him head and con buy one energy drink wey he bin take and con sit down to rest.
Moments later, he con start to dey convulse and dem rush am to Divine Mercy hospital wia efforts to save him life bin prove abortive.
Ani con blame di hospital as dem no show signs of urgency and for profeshunal misconduct.
“Di Dokintar bin no dey on duty when we bin bring Nnaemeka to di hospital. DI nurses as he see him condition con start to shout ‘Jesus’ and dey call di Dokintar wey come two hours later, dey sight faulty car battery as reason for him delayed arrival”, he yarn.
Afta dem pronounce am dead for di  hospital, di family con start to dey make arrangements to transport him deadibodis to dia village, Amutenyi, Obollo Eke, Enugu state for burial.
E con get one small drama wey happun as dem yarn say  Nnaemeka bin move him bodi while dem dey make arrangement to take him deadibodi  home for burial.
Na den di family con transfa am to Faith Foundation, anoda hospital inside di town.
Dokintars on duty for hospital shapaly bin attend to am and bin confam am dead.
One relative of di deceased wey want to remain anonymous and wey dey present at both hospitals con reveal to Vantage News say dokintars at Faith Foundation bin yarn say di boi probably for survive if say dem bring am hospital earlier, com dey indicate say he no get di best of medical attention for Divine Mercy hospital.
Nnaemeka, wey also be one musician and dey go by di stage name, ‘EmmyCruz’ , bin on Monday dey laid to rest inside him hometown, Amutenyi, Obollo Eke amid tears from him family and friends.
As at di time of filing di report, efforts to reach di management of Divine Mercy hospital bin prove abortive.
Rest In Peace, Nnaemeka Ogbonna!
Sign in to post a message
You're the first to comment.
Say something
Log in